काठमाडौं ।

करोडौँ मूल्य पर्ने सरकारी जग्गा आफ्नो नाममा पार्ने मालपोतका हाकिमलाई अख्तियारले जोगाएको जुम्लाबाट निर्वाचित सांसद गजेन्द्रबहादुर महतले आरोप लगाएका छन् । जिल्लाको गुठीचौर गाउँपालिकास्थित तीन लाख बर्ग मिटर जग्गा आफ्नो नाममा पास गर्ने मालपोत कार्यालयका तत्कालिन हाकिम गोविन्द न्यौपानेलाई अख्तियारले जोगाएको बताएका हुन् । सोमबार बसेको प्रतिनिधि सभाको बैठकमा बोल्दै न्यौपानेले मुद्दा लम्ब्याउन अख्तिायरका अधिकारी र कर्मचारीलाई प्रभावमा पारेको आरोप लगाए । गुठीचौर गाउँपालिका भित्रको तीन लाख बर्ग मिटर जग्गा २०६६ सालमा मालपोत कार्यालयका तत्कालिन हाकिम गोविन्द न्यौपानेले आफ्नो, परिवार र नातागोताको नाममा दर्ता गरेका थिए । यो विषय २०७२ सालमा थाहा भएपछि तात्कालिन प्रमुख जिल्ला अधिकारीले २०७३ माघ १० गते अख्तियारमा पठाएका थिए । तर यो मुद्दाको छानबिनमा अख्तियारले चासो नै दिएन, सुनुवाइ नै गरेन। सांसद्‍ महतले तत्कालिन माल हाकिम न्यौपानेको प्रभामा अख्तियार परेको दाबी गरे। त्यत्तिबेलाका मालपोत कार्यालयका हाकिमले अहिले अख्तियार कर्मचारीलाई भेट्दै हिँडेको उनको आरोप छ ।