काठमाडौं ।

नेपाल कम्युनिस्ट पार्टी (नेकपा ) सचिवालय बैठकले ७७ जिल्ला कमिटी अध्यक्ष र सचिवको टुंगो लगाएको छ। आइतबार साझ बालुवाटारमा बसेको बैठकले जिल्ला कमिटी अध्यक्ष र सचिवको टुंगो लगाएको हो। ७७ जिल्लाकै अध्यक्ष र सचिवको नाम सोमबार प्रज्ञा भवनका कार्यक्रम गरेर सार्वजनिक गर्ने तयारी नेकपाले गरेको छ। पोलिट्ब्यूरो सदस्यको टुंगो भने अर्को बैठकले लगाउने भएको पार्टीका प्रवक्ता नारायण काजी श्रेष्ठले बताए। केन्द्रीय सदस्यको एक तिहाइ पोलिट्ब्युरो सदस्य रहने पनि उनले बताए।