दाङ ।

मालपोत कार्यालय तुलसीपुरमा अनलाइन प्रणाली सुरु भएको छ । यसको उद्घाटन भूमि ब्यवस्थापन तथा अभिलेख बिभागका महानिर्देशक गोकर्णमणि दुवाडीले गरेका छन् । तुलसीपुर मालपोत कार्यालयका मालपोत अधिकृत नरेशकुमार खड्काको अध्यक्षतामा भएको उद्घाटन कार्यक्रम बिभागका कम्प्युटर अधिकृत हरिशरण थापाले कार्यक्रमको उद्देश्यमाथी प्रकाश पारेका थिए ।

कार्यक्रममा सम्बोधन गर्दै प्रमुख जिल्ला अधिकारी गोबिन्दप्रसाद रिजालले मालपोत कार्यालयबाट प्रदान हुने सेवालाई अनलाईन मार्फत सेवा दिदा सेवा प्राभावकारी हुनुको साथै सेवाग्राहीले पनि सरल तथा सहज रुपमा सेवा पाउने बिस्वास ब्यक्त गरे । सो अबसरमा बिभागका महानिर्देशक गोकर्णमणि दुवाडीले तुलसीपुर मालपोत कार्यालय दाङ्ग एल आर आइ एम एस लागू भएको छैटौं कार्यालय भएको जानकारी दिदै यो प्रणालीबाट सेवा प्रदान हुदा सेवा बिस्वासिलो भरपर्दो र प्रभावकारी हुनुको साथै कारोबार सुरक्षित हुने बताए । प्रणालीमा भएको औठाछाप , दस्तखत र फोटो लिएर बिबरण अद्यावधिक गरिने र कारोबारको बखत जग्गावालालाई एस एम एस जाने हुदा गलत कार्य नियन्त्रण हुने बताए । यसका साथै राजस्व बढोत्तरी हुने र केन्द्रबाटै कारोबारको सीधै अनुगमन गर्न सकिने उनको भनाई थियो ।