काठमाडौं ।

शैक्षिक प्रमाणपत्रकै कारण सुनुवाई समितिवाट अस्विकृत भएका दीपकराज जोशीपछि प्रस्तावित प्रधानन्यायाधीश ओमप्रकाश मिश्रबिरुद्ध पनि शैक्षिक प्रमाणपत्रको शंका गर्दै उजुरी परेको छ । विश्वविद्यालयको नियम अनुसार प्रवीणता प्रमाणपत्र तहको माइग्रेसन नभएको पनि उजुरीमा उल्लेख छ । उक्त प्रमाणको समकक्षता खोज्दै उजुरी हालिएको सुनुवाई समितिले जनाएको छ । मिश्र संलग्न भएका विभिन्न मुद्दाहरुमा फैसला र आदेश गरेको विषयमा स्पष्टी‍करण माग गर्दै उजुरी हालिएको हो ।  एनसेल प्रकरणमा मिश्रले गरेको फैसलामा उनी दोषी रहेको उजुरीमा उल्लेख छ ।
रञ्जन कोइरालाको मुद्दामा झगडिया झिकाउने आदेशको आधार खोजिएको छ । हाँडीगाउँको सार्वजनिक जग्गा व्यक्तिको नाममा गर्ने फैसलाको आधार पनि खोजेर उजुरी हालिएको छ । संवैधानिक परिषदको सिफारिसपछि संसदीय सुनुवाइ विशेष समितिले उजुरी आह्वान गरेको थियो। १० दिन म्याद सहितको सूचनामा मिश्रमाथि ४ थान उजुरी परेको हो। उक्त उजुरीमाथि २२ गतेदेखि सुनुवाइ समितिले अध्ययन गर्दै छ।