काठमाडौं ।

अहिले नेपालमा २३ देशका सेनाका अधिकृतहरु छन् । एसिया प्यासिफिक क्षेत्रका २३ देशका सैनिक अधिकृतहरू सैनिक इन्टेलिजेन्स क्षमता अभिवृद्धि गर्ने उद्देश्यले आयोजित सम्मेलनमा सहभागी हुन आएका हुन् । नेपाली सेना र युएस इन्डो(प्यासिफिक कमाण्ड डाइरोक्टोरेट अफ इन्टेलिजेन्सद्वारा संयुक्त रुपमा आयोजित सम्मेलन कामु प्रधानसेनापति पूर्णचन्द्र थापाले उदघाटन गरेका हुन् ।
तीन दिनसम्म चल्ने एसिया प्यासिफिक इन्टेलिजेन्स चिफ्स कन्फेरेन्समा १०३ अधिकृत सहभागी रहेको नेपाली सेनाले जानकारी दिएको छ ।

रणनैतिक सुरक्षा चुनौती समाधानका लागि अन्तर्राष्ट्रिय स्तरमा भेटघाट, छलफल र समन्वयद्वारा पेशागत विशेषज्ञता अभिवृद्धि गर्ने उद्देश्यले सम्मेलन आयोजना गरिएको हो ।