-
काठमाडौं ।
अक्षम ठहर गरेर सरकारले हटाएको टेलिकमकी प्रवन्ध निर्देशक कामिनी राजभण्डारीलाई हटाउने सरकारको निर्णयविरुद्ध सर्वोच्च अदालतले अन्तरिम आदेश जारी गर्न अस्वीकार गरेको छ। सर्वोच्चको यो आदेशपछि सरकारलाई नयाँ प्रवन्ध निर्देशक नियुक्ति गर्ने बाटो खुलेको छ।
न्यायाधीश चोलेन्द्र शमशेर राणाको एकल इजलाशले यो निर्णय गरेको हो ।कामिनीलाई हटाउनुको कारण भने सर्वोच्चले माग गरेको छ।
तर सर्वोच्चले पदबाट हटाउने निर्णयका बारेमा १५ दिनभित्र लिखत जवाफ पेश गर्न सरकारको नाममा आदेश जारी गरेको छ।
गलत मनसाय राख्दै सरकारले हटाउने निर्णय गरेको भन्दै कामिनीले भदौ १ गते सर्वोच्चमा पुनर्बाहली माग गर्दै सर्वोच्चमा रिट दायर गरेकी थिइन्।
गत मंगलबार बसेको मन्त्रिपरिषद् बैठकले उनलाई पदबाट हटाउने निर्णय गरेको थियो। नयाँ प्रवन्ध निर्देशकका लागि दौडधूप सुरु भएको छ । मन्त्रालयस्रोतका अनुसार अव नयाँ नियुक्तको लागि सार्वजनिक सूचना जारी गर्ने मनसाय मन्त्री गोकुल बाँस्कोटाको रहेको छ । टेलिकममा नै रहेका अधिकारीहरु वाट नै नयाँ नियुक्ति गर्ने बुझिएको छ ।
