काठमाडौं । तीन बर्षका लागि सेनाको प्रमुख बनेका कामु प्रधानसेनापति पूर्णचन्द्र थापाले नेपाली सेनालाई आधुनिकिकरण गर्ने प्रयास स्वरुप ‘लेस पेपर इन्भायरोमेन्ट’ को अवधारणाअनुसार डिजिटाइजेनको सुरुवात गरेका छन्। यस अघि सेनामा कागजी प्रकृया हाबी थियो । एक महिना अघि नै बिदा बस्नु पर्ने नियम अनुसार प्रमुख राजेन्द्र क्षत्रीको बिदाईपछि थापालाई बरबुजारथ गरिएको थियो । यही समयमा थापाले नयाँ अवधारणा सार्वजनिक गरेका हुन् ।
साथै थापाले काठमाडौं तराई दु्रतमार्गको आयोजना कार्यान्वायनको लागि गठिन निर्देशक समितिको अध्यक्षको कार्यभार बलाध्यक्ष रथी हेमन्तराज कुँवरलाई हस्तान्तरण गरेका छन्। बिगतमा देखिएको नेपाली सेना भित्रको बिकृति घटाउन थापाको काँधमा जिम्मेवारी छ । नेपाली सेनालाई ब्यवसायमा संलग्न गराएर आर्थिक अपारदर्शी पनि बनाएका अवस्थामा यसलाई रोक्न र नियन्त्रण गर्नु थापाका लागि चुनौतीको बिषय पनि हो ।