सरकारी कर्मचारीलाई गतल काम गराएर निजी क्षेत्रले बिगारेको उद्योग वाणिज्य तथा आपूर्तिमन्त्री मातृका यादवले आरोप लगाएका छन् ।

जिल्ला तथा नगरस्तरीय उद्योग वाणिज्य संघको राष्ट्रिय भेलामा बोल्दै मन्त्री यादवले आफ्ना गलत काम गराउन निजीक्षेत्रले सरकारी कर्मचारीलाई दुरुपयोग गरेको बताए ।
निजीक्षेत्रले आफ्ना गलत काम गराउन सरकारी कर्मचारीहरुलाई दुरुपयोग गरिहेकोका कारण यसलाई रोक्नु पर्ने मन्त्री यादबले धारणा राखे । समस्या भए मन्त्रीस्तरमा अथवा राजनीतिक तहमा नै कुरा गरेर समाधान खोज्न उनले ब्यवसायीहरुलाई आग्रह पनि गरे ।

केही उद्योगी व्यपारीले अरुको ट्रेडमार्क चोरी गरिरहेको भन्दै मन्त्री यादवले अब भने त्यसविरुद्ध ऐन कानुन बनाउने काम भइरहेकाले ट्रेडमार्क चार्न नपाइने बताए ।

निजी क्षेत्रलाई राज्यले दिने सेवा सुविधा अब एकद्वार प्रणालीबाट प्रदान गरिने भन्दै मन्त्री यादवले एउटै मालबस्तुमा दोहोरो तेहरो कर नलाग्ने दाबी गरे ।