कायममुकायम प्रधानन्यायाधीश दीपकराज जोशीविरुद्ध संसदीय सुनुवाइ समितिमा ५ वटा उजुरी दर्ता भएका छन्। जोशी विरुद्ध छोराको बिहेमा अकूत खर्च गरेको, क्यासिनोदेखि एनसेल र अन्य कर छुट दिने विवादास्पद फैसलामा संलग्न रहेको आरोप लागेको छ। उनीमाथि उजुरी दर्ता गरेका व्यक्तिसँग संसदीय सुनुवाई समितिले मंगलबार छलफल गरेको छ। उजुरीकर्ताको कुरा सुनेपछि समितिले जोशीमाथिको सुनुवाई गर्नेछ।

२०७० साल चैतमा सर्वोेच्च अदालतको स्थायी न्यायाधीश भएका जोशीले ६५ वर्षे उमेर हद पार गर्दै २०७६ असोज २४ गते अवकाश पाउनेछन्।

न्यायाधीशका रुपमा जोशीले गरेका केही विवादास्पद फैसला र आदेशका कारण उनी चर्चामा आएका थिए। न्यायाधीशमा नियुक्ति हुँदै गर्दा उनको नाममा न्याय परिषद्का एक सदस्यले नोट अफ डिसेन्ट नै लेखेका थिए। संसदीय सुनुवाइको क्रममा रहेका प्रस्तावित प्रधानन्यायाधीश दीपकराज जोशीको नाममा बिहीबार संसदीय सुनुवाइ हुँदैछ।