-
काठमाडौं ।
चिकित्सक गोविन्द केसीको समर्थनमा नेपाल चिकित्सक संघले सम्पूर्ण स्वास्थ्य संस्थामा आकस्मिक सेवा बाहेकका सम्पूर्ण सेवा बन्द गर्ने घोषणा संघकै पदाधिकारीले असहमति जनाएका छन् ।
स्वास्थ्य संस्था बन्द गर्दा विरामीको बिचल्ली हुने भन्दै संघकी कोषाध्यक्ष डक्टर रक्षा श्रेष्ठले निर्णयमा आफू असहमत रहेको माईन्युटमा लेखेकी छिन् ।
बहुमत पदाधिकारीको सहमति अनुसार संघले बन्द घोषणा गरेपछि कोषाध्यक्ष डक्टर श्रेष्ठले आफ्नो असहमति भएको उल्लेख गर्दै नोट अफ डिसेन्ट लेखेकी हुन् । उनले लेखेको नोट अफ डिसेन्टमा श्रेष्ठले चिकित्सक प्रत्यक्ष बिरामीको जीवनसँग सरोकार राख्ने हुनाले बन्द हडतालमा जान नहुने उल्लेख गरेकी छिन् ।
गोविन्द केसीको जीवन रक्षा गर्नुपर्ने कुरामा सहमत भएपनि बन्द हडतालप्रति भने आफ्नो सहमति नभएको उनको भनाई छ ।
