सत्ता पक्षकै सांसदहरुले नयाँ बजेटको बिरोध गर्न थालेपछि नेकपाका अध्यक्षहरुले वजेटको समर्थनमा वोल्न निर्देशन दिएका छन् । संसदीय दलको बैठक आह्वान नै गरेर अध्यक्षले साँसदलाई निर्देशन दिएका हुन् ।

नेपाल कम्युनिष्ट पार्टी (ने क पा ) का संसदीय दलका नेता प्रधानमन्त्री ओलीले संघीय संसदको मर्यादा, सत्तापक्ष र प्रतिपक्षी दलको मूल्य र मान्यतामा कायम रहँदै सरकारले ल्याएको बजेटको बचाउमा आफ्ना अभिव्यक्ति केन्द्रित गर्न आफ्ना सांसदलाई निर्देशन दिएका हुन्। आगामी आर्थिक वर्षका लागि विनियोजित बजेट माथि संघीय संसदमा सत्तारुढ दलकै सांसदहरुले सरकारका मन्त्रीहरुको चर्को आलोचना गरेपछि (ने क पा) ले त्यसबारे छलफल गर्न शनिबार बिहान संसदीय दलको बैठक बोलाएको हो।

प्रधानमन्त्रीको सरकारी निवास बालुवाटारमा जारी बैठकको सुरुमै बोल्दै दलका नेता ओलीले विद्यमान परिस्थितिलाई ध्यानमा राखेर संयमित अभिव्यक्ति दिन सांसदहरुलाई सचेत गराए। उनले बजेटमा समावेश गर्नुपर्ने योजना तथा भएका त्रुटिहरु भविष्यमा छलफल मार्फत सच्याउँदै र थप्दै लैजान सकिने आश्वासन सांसदहरुलाई दिएको प्रमुख सचेतक देव गुरुङले जानकारी दिए।