महानगरीय अपराध अनुसन्धान महाशाखावाट खटिएको टोलीले न्युरोडका विभिन्न स्थानमा छापा मार्दा सात जना व्यापारी पक्राउ परेका छन् । यस क्षेत्रमा ब्यपाक हुण्डी कारोवार हुने सूचनाका आधारमा छापा मारिएको हो ।

पक्राउ पर्नेहरुमा नेपाल ओभरसिजका सञ्चालक राहुल अग्रवाल, एलाइट बिजेनेशका सिन्धुपाल्चोक निवासी राजकुमार श्रेष्ठ, सग्तानी ट्रेडर्सका शिवकुमार साङ्तानी, पूर्णलक्ष्मी इन्टरप्राइजेजका अरुण सावरथिया, जगदिश राना सरिया, राजकुमार सिघान्ची र रविन्द्र चोखानी रहेका छन्।

उनीहरूको साथबाट प्रहरीले ५१ लाख चार हजार ५ सय रुपैयाँ र ३ करोड ५६ लाख ७३ हज ५५७ रुपैयाँ बराबरको विभिन्न बैंकको चेक समेत बरामद गरेको छ।