काठमाडौं ।

दलिय ट्रेड यूनियनको व्यवस्था कायमै राख्नुपर्नेलगायतका माग कर्मचारीले सरकार समक्ष गरेका छन् । भत्ता सुविधा बृद्धिसहित २२ बुँदे मागपत्र तयार गरेर उनीहरुले सरकारलाई बुझाएका हुन् । निजामती कर्मचारीहरुको आधिकारीक ट्रेड यूनियनको भेलाबाट पारीत विभिन्न मागहरु सरकारलाई बुझाइएको हो।

आधिकारीक ट्रेड यूनियनको भेला शनिबार काठमाडौंमा आयोजना गरिएको थियो। जसले विभिन्न २४ वटा प्रस्तावहरु पारित गरेको छ।

निजामती सेवाको सरुवालाई पूर्वानुमान हुने सिष्टम बनाउनुपर्ने, कर्मचारीहरुलाई जलबिद्युत्मा तत्काल लगानी गर्ने व्यवस्था मिलाउनुपर्ने लगायतका प्रस्ताव पारीत गर्दै उनीहरुले त्यसको कार्यान्वायन गर्न माग गरेका हुन्।

आफुहरुका माग पुरा नभए आन्दोलन गर्ने उनीहरुले मुख्यसचिव मार्फत चेतावनी दिएका छन् ।