ललितपुर ।

महालक्ष्मी नगरपालिकाका भित्र निर्माण भएका बिभिन्न योजनाहरुको अनुगमन निरिक्षण गरिएको छ । नगरपालिकाका प्रमुख रामेश्वर श्रेष्ठले वडा नंं. ९ मा पर्ने ससाम्भु ल्कवदेखि वस्नेत गाउँ जाने बाटोको गुणस्तर अनुगमन गरेका छन् । उक्त ठाउँमा २० फिटे वाटोको दायाँवायाँ पर्खाल निर्माण कार्य भईहरेको छ । स्थानीय जनताको प्रत्यक्ष सहभागितामा निर्माणाधिन उक्त कामलाई तीव्रता दिन थप आर्थिक निकासा गर्ने प्रमुख श्रेष्ठले बचन दिए । हाल १५ लाख रुपैयाँ बजेट विनियोजिन गरेकोमा थप १० लाख रुपैयाँ निकासा दिने समेत नगरप्रमुख श्रेष्ठले बताए । उक्त अनुगमन निरिक्षण टोलीमा भक्तपुर जिल्ला प्रदेश सभा सदस्य शशीजंग थापा, ललितपुरका प्रदेश सभा सदस्य माधवप्रसाद पौडेल, वडा नं.९ का वडा अध्यक्ष वासुदेव गौतम, उपभोक्ता समितिका अध्यक्ष भरतबहादुर बस्नेत तथा अन्य पदाधिकारीहरु लगायतको सहभागिता थियो । उक्त अवसरमा नगरप्रमुख श्रेष्ठले विकास निर्माण कार्यमा जनतालाई प्रत्यक्ष सहभागिता गराउने र विकास निर्माण कार्यमा नगरपालिकाले सक्दो सहयोग गर्ने प्रतिवद्धता जनाए ।

–गोपाल राउत