काठमाडौं ।

अबैध सुन सम्वन्धमा पक्राउ परेका प्रहरीहरु मध्ये तीन जनाको मात्र वयान बाँकी रहेको छ । बिहीबारदेखि सुरु भएको वयान आइतबारसम्ममा १५ जनाको सकिएको थियो। सोमबार पूर्व प्रहरी नायव महानिरीक्षक गोविन्दप्रसाद निरौला, वरिष्ठ प्रहरी उपरीक्षक विकासराज खनाल, प्रहरी नायव निरीक्षक बालकृष्ण सञ्जेल र प्रहरी जवान विष्णुबहादुर खड्काको वयान सकिएको छ। वयान सकिएका यी प्रहरीको उक्त घटनामा संलग्नता देखिएपछि पक्राउ परेका थिए। त्यस्तै, विमानस्थलका कर्मचारी राजन थापा, तक्ले भन्ने पुण्यप्रसाद लामा, गोपाल श्रेष्ठ, हेमन्त गौतम, राजु महर्जन, अमरमान डंगोल, तुलाराम थारू र अमर मगरको वयान पनि सकिएको छ। यसअघि २०६९ सालदेखि अवैध रूपमा सुनको कारोबार गर्ने भुजु गुरुङ, व्यापारी राजेन्द्रकुमार शाक्य, महावीर गोल्यान, विमानस्थलका कर्मचारी एलबी भन्ने लालबहादुर मगर, वीरेन्द्रमान श्रेष्ठ, सम्बिरप्रसाद तोलाङ्गे, बालकृष्ण श्रेष्ठ, तुलाराम खत्री, गोरेका विश्वासपात्र भनिएका टेकराज मल्ल ठकुरी, मोहन काफ्ले, लाक्पा शेर्पा, माधव भन्ने मदनप्रसाद घिमिरे, कृष्ण भन्ने नरेन्द्र कार्की र राजन कुमारको वयान सकिएको थियो। जिल्ला अदालत मोरङका श्रेष्तेदार नवराज दुलालका अनुसार न्यायिक हिरासतमा रहेका तीन जना अभियुक्तको मात्र वयान बाँकी छ। उनका अनुसार वरिष्ठ प्रहरी उपरीक्षक दिवेश लोहनी, प्रहरी नायव उपरीक्षक प्रजित केसी र सञ्जय राउतको वयान मंगलबार हुनेछ।