काठमाडौं ।

नेपाल र चीन बीचको नाता धेरै पुरानो भएको कानुन न्याय तथा संसदीय मामिलामन्त्री शेरवहादुर तामाङले वताए । मन्त्रीलाई भेट्न मन्त्रालय पुगेकी नेपालका लागि चिनका राजदूत यु होङ सँग मन्त्री तामाङले दुई देश बीचको सम्वन्ध प्राचिनकाल देखि नै रहेको स्पष्ट पारे । तातोपानी नाका सञ्चालनमा प्राथकिता दिन मन्त्री तामाङले आग्रह गरेका थिए । मन्त्रीको आग्रहमा राजदूतले यो कुरामा चीन सरकार सकारात्मक भएको भन्दै जवाफमा राजदूतले तातोपानी नाका क्षेत्रको मार्ग तथा भौगोलिक अवस्था जीर्ण भएका कारण पनि समस्या आएको वताएकी थिईन् । दुई देश बीचको ब्यपारिक कारोवार लाई अझ बृद्धि गर्न आवश्यक पहल गर्ने पनि भेटका अवसरमा कुराकानी भएको थियो । दौत्य सम्वन्ध भएदेखि नै दुई देशको नाता प्रगाढ रहेको मन्त्री तामाङले वताएका थिए ।