लुम्विनी ।

बुद्ध जयन्तीको अवसर पारेर गुड ह्याण्डस नेपालले लुम्विनी आसपासका गरिव बिद्यार्थीलाई शैक्षिक सामाग्रीको ब्यवस्था गरेको छ । शैक्षिक कार्यक्रममा लामो समयदेखि लागिरहेको यो संस्थाले बिद्यालय सहयोग कार्यक्रम मार्फत गरिव बिपन्न बिद्यार्थीलाई सहयोग गरेको हो ।

प्रत्येक वर्ष बिद्यार्थीलाई पढ्नका लागि सहयोग गर्ने यो संस्थाले बिभिन्न ग्रामीण भेगमा बिद्यालय पनि निर्माण गरेको छ । यो वर्ष भगवान गौतम बुद्धको जन्मस्थल आसपासका ७० बिद्यार्थीलाई एकवर्षसम्मका लागि आवश्यक पर्ने शैक्षिक सामाग्री संस्थाले प्रदान गरेको हो । संस्थाका अध्यक्ष दावा लामा ह्योल्मोले बिद्यार्थीहरुलाई शैक्षिक सामाग्री प्रदान गरे । यहाँका बिपन्न परिवारका बिद्यार्थीहरुका लागि एक वर्षसम्म अध्ययनका लागि लाग्ने झोला,कपी,कलम,पोशाक र जुत्ता प्रदान गरिएको अध्यक्ष लामाले वताए ।