काठमाडौं ।

स्थानीय तहमा ब्यापक कर्मचारी अभाव भएपछि एक महिनाभित्र स्थानीय तहमा आवश्यक कर्मचारी नखटाए आफैंले कर्मचारी भर्ना गर्ने गाउँपालिका महासंघले वताएको छ ।

एक महिनाभित्र सरकारले कर्मचारी नदिएमा संविधानको व्यवस्था अनुसार स्थानीय सेवा ऐन जारी गरी कर्मचारी भर्ना गर्ने निर्णय लिएको हो । संविधानले स्थानीय सरकारलाई सेवा ऐन जारी गर्ने अधिकार दिएको छ ।

बैठकका निर्णयबारे जानकारी दिदै महासंघका अध्यक्ष होमनारायण श्रेष्ठले एक महिनासम्म पर्खने र त्यतिवेला पनि कर्मचारी नआए सबै गाउँपालिकाहरुलाई स्थानीय सेवा ऐन जारी गरेर कर्मचारी व्यवस्थापनको शुरुवात गर्न आह्वान गरेको वताए ।