-
काठमाडौं ।
सरकारी कर्मचारीले बिद्यार्थी भर्ना अभियानलाई आर्थिक सहयोग गरेका छन् । ‘हामी सबैको इच्छा अनिवार्य निःशुल्क आधारभूत शिक्षा’ अभियानका लागि ७९ हजार रुपैयाँ सहयोग सङ्कलन गरेका हुन् ।
सरकारका सचिवहरूको बैठकले अभियानका लागि सहयोग सङ्कलन गर्ने निर्णय गरेको थियो।
अभियान अन्तर्गत अति विपन्न र सिमान्तकृत बालबालिकालाई विद्यालय भर्ना गराउने अभियानलाई सहयोग पुर्याउन प्रधानमन्त्री कार्यालयमा कार्यरत कर्मचारीहरूले २७ हजार ५०० रुपैयाँ र शिक्षा, विज्ञान तथा प्रविधि मन्त्रालयमा कार्यरत कर्मचारीहरूले ५१ हजार ५०० रुपैयाँ गरी जम्मा ७९ हजार रुपैयाँ सहयोग सङ्कलन गरेका हुन्।
राजपत्रांकित विशिष्ट श्रेणीका कर्मचारीबाट दुई हजार रुपैयाँ, प्रथम श्रेणीका कर्मचारीबाट १ हजार रुपैयाँ र द्वितीय श्रेणीका कर्मचारीबाट ५० रुपैयाँका दरले सहयोग सङ्कलन गरिएको हो।
