काठमाडौं ।

कामु प्रधानन्यायाधीश नियुक्तिका लागि नेताको घरदैलो चहार्न थालेका छन् । न्यायालयमा राजनीतिकरण भएको आरोप लागिरहँदा उच्च तहकै एक न्यायाधिशको घरदैलोले कानून ब्यवसायीमा चिन्ता थपेको छ । कानूनबिद भीमार्जुन आचार्यले त सामाजिक सञ्जालमा नै यस्तो कामलाई गलत भनेका छन् । माओवादी केन्द्रका अध्यक्ष पुष्पकमल दाहालको घरमा नै पुगेर कामु प्रधानन्यायाधीशले लविङ थालेपछि आचार्यले कडा प्रतिकृया दिएका छन् । गोपाल पराजुलीलाई पदच्यूत गर्नुदेखि दीपकराज जोशीले नेताको घरदैलो गर्नुलाई स्वतन्त्र न्यायालयको विश्वासमा संकट पैदा गर्ने वातावरणको रुपमा उनले ब्यख्या गरेका छन् । यस्ता काममले न्यायालयको गरिमा नै खतरामा पुग्ने आचार्यको भनाई छ । लोकतन्त्रमा न्यायालय वलियो हुनु पर्नेमा न्यायालयलाई नेतालय वनाउन खोजिएको उनको प्रतिकृया छ ।