काठमाडौं ।

भीआईपी र उच्च सुरक्षा निकायका अधिकारीका घरमा नियमविपरीत रहेका सयौं सुरक्षाकर्मी अझै फिर्ता भएनन् । प्रधानमन्त्री केपी शर्मा ओलीले दिएको निर्देशन गृह मन्त्रालय र प्रहरी प्रधान कार्यालयले अझै पालना गरेका छैनन्। त्यसोत भीआईपीको घरबाट कति सुरक्षाकर्मी फिर्ता भए भन्ने यकिन गर्न समेत गृहमन्त्रालयले सेकेको छैन । नियमविपरीत विभिन्न व्यक्तिका घरमा राखिएका प्रहरी र सेनाका सुरक्षाकर्मी एक साताभित्र हटाउनचैत्र पहिलो हप्ता प्रधानमन्त्रीले निर्देशन दिएका थिए। प्रधानमन्त्रीले निर्देशन दिएको एक महिना बितिसक्दासमेत सुरक्षाकर्मीहरू फिर्ता भएका छैनन्। गृहमन्त्रालयका प्रवक्ता रामकृष्ण सुवेदीले सबै सुरक्षाकर्मी फिर्ता गर्न दुवै प्रहरी मुख्यालयलाई लिखित निर्देशन दिएको बताए। तर पनि काम भने भएको छैन ।