काठमाडौं ।

पूर्व प्रधानन्यायाधीश कल्याण श्रेष्ठले जर्वजस्ती घर लगेको गाडीका चालक मर्मत र इन्धन खर्च लिन सर्वोच्च अदालतको प्रशासनमा पुगेका थिए । त्यही वेला उनले चढ्ने गरेको गाडी सर्वोच्च प्रशासनको कब्जामा पर्यो ।
दुई करोड रुपैयाँ सरकारी रकममा खरिद गरिएको गाडी सरकारी सम्पत्ति भएका कारण पूर्व श्रीमानवाट फिर्ता लिने योजना अन्तर्गत यहाँका कर्मचारीले कब्जा लिए र मुख्य रजिष्ट्रार   समक्ष बुझाए ।
मन्त्री हुनासाथ शेरवहादुर तामाङले न्यायालयमा बिकृति छ भन्दै पूर्व श्रीमान्हरुले प्रयोग गरेका सरकारी सम्पत्तिका बारे पनि आवाज उठाएका थिए । सरकारी सम्पत्ति संरक्षण गर्ने सरकारको नीति अनुरुप कर्मचारीले यो गाडी कब्जा गरेकाहुन् । त्यसोत प्रधानन्यायाधीश हुँदा खुवै चर्चा कमाएकी सुशीला कार्कीको नाम पनि जर्वजस्ती सरकारी गाडी लैजानेको सूचीमा छ ।
बिहिवार गाडी मर्मत र इन्धन खर्च लिन सर्वोच्च अदालतको प्रशासनमा पुगेका चालक जोगमोहन महतोको हातबाट कर्मचारीले गाडीको चाबी मुख्य रजिष्ट्रार सँग पुगेको छ ।
चालक महतो र गाडी दुवै सर्वोच्चका हुन् । महतो सर्वोच्च अदालतका स्थायी कर्मचारी हुन् भने गाडी कल्याण श्रेष्ठ प्रधानन्यायाधीशबाट हटेपछि झण्डा हटाएर लगेका थिए ।

चालक महतोले गाडी कल्याण श्रेष्ठको चलाए पनि तलबबाहेक ओभरटाइम भत्तासमेत सर्वोच्च अदालतबाट पाउँदै आएका छन् । सर्वोच्च अदालतमा जो प्रधानन्यायाधीश भए पनि उसको पालामा नयाँ गाडी किन्ने र अवकाश हुने बेला घर लिएर जाने गरेका छन् ।