मेलम्ची ।

काठमाडौंको खानेपानीको आवश्यकता पूरा गर्ने मेलम्ची खानेपानीको मुहान सिन्धुपाल्चोक क्षेत्र नम्वर दुईवाट विजयी भएर मन्त्री वनेका शेरवहादुर शेरबहादुर तामाङले मेलम्चीलाई ‘दुलही’का रुपमा अन्माएर काठमाडौं पठाएको धारणा राख्दा यहाँका वासन्दाको भावूक वनेको थिए ।

साढे २७ किलोमिटर लामो सुरुङमा ‘ब्रेक थ्रू’ भएपछि आयोजना गरिएको कार्यक्रममा मेलम्चीलाई ‘दुलही’ का रुपमा अन्माएर काठमाडौं पठाएको बताएका हुन् ।

अन्तिम खण्डको मंगलबार नै सुरुङ खनिसकिएको थियो । कार्यक्रममा सिन्धुपाल्चोकका सांसदसमेत रहेका कानुनमन्त्री शेरबहादुर तामाङले मेलम्चीलाई ‘दुलही’का रुपमा अन्माएर पठाएको बताए । उनले भने ‘मेलम्ची हाम्री दुलही हुन्, आज तपाईँहरु दुलही लिन आउन भएको छ, हामी खुसी पनि छौं ।’

वहुमूल्य प्राकृतिक सम्पत्ति राजधानीलाई उपहार दिएको भन्दै उनले भने ‘मेलम्ची हाम्रो दुलही हो, तपाईहरुले आफ्नो छोरीलाई जस्तै गरी माया गर्नुहोला ।’

मन्त्री तामाङले मेलम्चीलाई दुलहीको संज्ञा दिएपछि खानेपानी मन्त्री विना मगरले सिन्धुको चेलीलाई माया गर्ने बताइन् । ‘हामी तपाईंहरुको दुलही लिन आएका छौं’ उनले भनिन्, ‘हामी धेरै खुसी छौं तपाईंहरु पनि दुःखी हुनु पर्दैन ।’