काठमाडौं ।

काठमाडौंमा स्वास्थ्य तथा जनसंख्या वैज्ञानिकहरूको चौथो शिखर सम्मेलन हुने भएको छ। नेपाल स्वास्थ्य अनुसन्धान परिषद्ले आफ्नो २८औँ स्थापना दिवसको अवसर पारेर सम्मेलन आयोजना गर्न लागेको हो। स्वास्थ्य तथा जनसंख्या मन्त्रालयअन्तर्गतको नेपाल स्वास्थ्य अनुसन्धान परिषद्को अगुवाइमा हुन लागेको सम्मेलनमा देशभरका एक हजार बढी स्वास्थ्य तथा जनसंख्यसँग सम्बन्धित विज्ञहरू सहभागी हुने काठमाडौंमा पत्रकार सम्मेलन गरी परिषद्का कार्यकारी अध्यक्ष प्राडा अञ्जनीकुमार झाले जानकारी दिए।