सिन्धुपाल्चोक ।

तातोपानी नाका सञ्चालनका लागि स्थानीय तहवाट पहल थालिएको छ । भोटेकोशी गाउँपालिकाको अगुवाईमा दवाव स्वरुप अघि बढ्ने भएका छन् । तातोपानी नाकामा वन्द भएपछि यस क्षेत्रका मानिसहरु झन् समस्यामा परेका कारण पनि यसलाई खोल्नका लागि शसक्त दवाव दिने भोटेकोशी गाउँपालिकाका अध्यक्ष राजकुमार पौडेलले वताए ।
यो गाउँपालिकालाई नमुना वनाउने योजना रहेपनि केन्द्रीय सरकारले यथोचित सहयोग नगरे आफ्नो योजना थाँती रहने पौडेलले वताए । यस क्षेत्रका सांसद अग्नि सापकोटालाई साक्षाी राखेर स्थानीयले आफ्नो समस्या सुनाएका थिए । स्थानीय बिष्णु श्रेष्ठले पहिले निक्कै सुविधामा रहेको तातोपानी क्षेत्र अहिले निक्कै समस्यामा परेको यथार्थ सुनाए । यस्तै अवस्था रहे यहाँका मानिसहरु बिस्थापित हुने उनीहरुको गुनासो थियो । समस्या सुनेपछि सांसद अग्नि सापकोटाले आफ्नो तर्फवाट सकेको सहयोग गरेर यो क्षेत्रको विकासमा लाग्ने वताए । तातोपानी नाका सञ्चालनका लागि पहल भईरहेको सापकोटाले जनतालाई सुनाएका थिए ।