-
काठमाडौं ।
पूर्वप्रधानमन्त्रीको हैसियतले पाउने सुरक्षाकर्मी डा बाबुराम भट्टराईले फिर्ता गर्ने निर्णय गरेका छन् । उनी नयाँ शक्ति पार्टी नेपालका संयोजक पनि हुन् । राज्यले सुरक्षाकर्मीलाई घरेलु कामदार राख्नेहरुको निगरानी गरिरहेका वेला उनले यस्तो घोषणा गरेका हुन् ।
आगामी वैशाख १ गतेदेखि आफूलाई सुरक्षा दिँदै आएका नेपाल प्रहरी र सशस्त्र प्रहरीको टोलीलाई भट्टराईले फिर्ता गर्ने निर्णय गरेका गरेका हुन् । सुशासन र सदाचार सुरु गर्ने उद्देश्यसहित सुरक्षाकर्मी फिर्ता पठाउन लागेको उनले बताए ।
केही दिनअगाडि सुरक्षाकर्मी फिर्ता पठाउने विषयमा गृहमन्त्रीसँग डा भट्टराईले भेटेर कुरासमेत गरेका थिए ।
