काठमाडौं । कोरियन भाषा परीक्षाका लागि ८२ हजार भन्दा बढीले आवेदन दिएका छन् । सन् २०१९का लागि कोरिया जान भाषा परीक्षा दिन ८२ हजार २ सय ६४ जनाको आवेदन परेको छ ।
गतवर्षभन्दा झण्डै ७ हजार बढी युवाले कोरिया जानका लागि आवेदन भरेका हुन । गतवर्ष ७५ हजार ५ सय ८० युवाले कोरिया जान फारम भरेका थिए । गत चैत ९ गतेदेखि अनलाइनमार्फत आवेदन माग गरिएको थियो ।

ईपीएस कोरिया शाखाकाअनुसार यसवर्ष कृषिमा ३० हजार १७९ पुरुष र ९ हजार ४६१ महिलाले परीक्षाका लागि आवेदन दिएका छन् ।
भाषा परीक्षा जेठ २६ र २७ गते हुनेछ । काठमाडौं केन्द्रबाट ७० हजारले परीक्षा दिन पाउनेछन् अन्य १२ हजार जनाले पोखराबाट परीक्षा दिनुपर्नेछ ।
यसपटक उत्पादनमुलक क्षेत्रमा चार हजार ८ सय र कृषि क्षेत्रमा २ हजार ३०० कोटा निर्धारण गरि कुल ७ हजार एक सय जना उत्तीर्ण गर्ने योजना ईपीएस कोरिया शाखाले जनाएको छ ।