• काठमाण्डौ ।

    प्रधानमन्त्री केपी शर्मा ओलीले कुनै पनि बहानामा नरोकिई पुर्ननिर्माणको काम तीव्र गतिमा अघि बढाउन निर्देशन दिएका छन् ।
    राष्ट्रिय पुननिर्माण प्राधिकरण परामर्श समितिको बैठकलाई बालुवाटारमा सम्बोधन गर्दै प्रधानमन्त्री ओलीले प्राधिकरणको कामको प्रगतिसँग आफु सन्तुष्ट नरहेको बताए ।
    निर्माणको काम सुस्त गतिमा भएको ओलीको भनाई छ । केही पीडितले मापदण्ड नपु¥याइ घर निर्माण गरेको भनेर सरकारले दिने अनुदान रोक्नु जायज नभएको प्रधानमन्त्री ओलीको भनाइ छ ।
    निर्माण गरिसकेका घरलाई अनुदान उपलब्ध गराउनु पर्नेमा ओलीको जोड थियो ।
    प्रधानमन्त्री ओलीले भने ‘ऐन कानूनले समस्या पार्ने भए त्यसलाई परिवर्तन गरेर सेवा प्रदान गर्नुपर्ने ओलीको भनाई छ ।
    परिषदमा १४ जना सांसद मनोनित
    प्रधानमन्त्री ओलीले भूकम्प अति प्रभावित क्षेत्रका १४ जना सांसदलाई परिषदमा मनोनित गरेका छन् । जसमा यज्ञराज सुनुवार,पार्वत गुरुङ, श्यामकुमार श्रेष्ठ,अग्नी सापकोटा,गंगाबहादुर तामाङ,हरिबोल गजुरेल,प्रेम सुवाल,गगनकुमार थापा,मोहन आचार्य,भूमि त्रिपाठी,हितबहादुर तामाङ,पम्फा भूसाल,बिरोध खतिवडा र हरिराज अधिकारी रहेका छन् ।