काठमाडौं ।
अवैध बालुवाखानीमा उपराष्ट्रपतिपुत्र दीपेश पुनको लगानी रहेको खुलेको छ । शक्तिको आडमा नाजायज काम गर्दै आएको उनीहरुले अन्य अबैध काममा पनि लागनी गरेको स्रोतले वताएको छ ।  उक्त वडाका वडाध्यक्ष सुकबहादुर लामा, स्थानीय दिनेश लामा, सञ्जीव अधिकारीलगायतको टोलीले नदीको बहाव फर्काएर अवैध रुपमा बालुवा तस्करी गरिरहेको हो ।

समाचार अनुसार, ललितपुरको गोेदावरी नगरपालिका–८ डुकुछापस्थित बागमती नदीको किनार कटान गरेर सञ्चालनमा रहेका बालुवाखानीमध्ये एकमा नरेश थापा र उपराष्ट्रपति नन्दबहादुर पुनका छोरा दीपेश पुनको पनि लगानी छ ।

वडाअध्यक्ष सुकबहादुर लामाका अनुसार खानीका मुख्य लगानीकर्ता दिनेश हुन्। खानीमा गृहमन्त्री रामबहादुर थापाका भाइ नरेश थापा र उपराष्ट्रपति नन्दबहादुर पुनका छोरा दीपेश पुनको पनि लगानी छ। दुई वर्षअघिदेखि सञ्चालित उक्त बालुवाखानी कम्पनी रजिस्टारको कार्यालयमा पनि दर्ता नभएको नागरिक दैनिकले लेखेको छ ।