काठमाडौं ।

सरल जीवन, शालिन व्यक्तित्व अनि देश र जनताका खातिर केही गरेरै छाड्ने सत्प्रयासका अभियन्ता संघीय मामिला तथा सामान्य प्रशासन मन्त्री लालबाबु पण्डितलाई बाह्रविसे नगरपालिकाले सम्मान गरेको छ । निजी जीवनलाई तरबारको धारमा राखेर राजनीतिलाई साँच्चै समाजसेवा ठान्दै तपाईंले गर्नुभएका संघर्षका कथा आममानिसका लागि उर्जाको स्रोत बनेको कारण सम्मान गरेको हो ।
उनको जीवन अभिप्रेरणाको दमदार दस्तावेज भएक भन्दै राजनीतिक संघर्ष र जेलनेललाई ओहोदामा पुगेपछि अर्थोपार्जनको आधार बनाउने राजनीतिक संस्कारलाई चुनौती दिन सफल मन्त्री पण्डित प्रेरणाको स्रोत भएको नगरपालिका प्रमुख निमफुञ्जो शेर्पाले वताए ।

फोस्रा भाषणबाजी भन्दा कर्ममा नै विश्वास गर्ने अनि आदर्शलाई जीवनमा उपयोग गर्ने अभियानकै कारण आमनेपाली नागरिकको मुटुको ढुकढुकी बनेका लालबाबुलाई आगामी कार्यकालको शुभकामना पनि भनिएको छ ।

मन्त्री भइसकेपछि रवाफ र भड्किलो जीवनशैली बिताउने सँस्कारलाई हाँक दिँदै उनले रोजेको साइकल अभियान प्रशंसनीय मात्रै छैन अनुकरणीय पनि भएको नगरपालिकाले जनाएको छ ।