काठमाडौं ।

छिमेकी देश संग अझै मजबूद सम्वन्ध स्थापना गर्ने प्रधानमन्त्री केपी ओलीले वताएका छन् । छिमेकी राष्ट्रहरुको सम्बन्धलाई अझ बढी प्रगाढ र सदृढ बनाउने उनको दावी छ । नेपालमा रहेका कुटनीतिक समुदायलाई सम्बोधनगर्दै प्रधानमन्त्री ओलीले अन्तराष्ट्रिय समुदायसँगको सम्बन्धका बिबिधतालाई अझ पहिल्याउँदै लगिने वताए ।
प्रधानमन्त्री ओलीले विकासका साझेदारहरुबाट प्राप्त भइरहेको सहयोग र साहायताको विशेष रुपमा स्मरण गरे ।
प्रधानमन्त्री ओलीले नेपालको विद्यमान संविधानमै नेपालको राष्ट्रिय स्वार्थलाई सुस्पष्ट रुपमा परिभाषित गरिएको बताउँदै संविधानले नै अन्तराष्ट्रिय सम्बन्धखाका प्रस्तुत गरेको वताए ।
ओलीले नेपालको कुटनीतिक सम्बन्धका आधारहरुका विषयमा प्रकाश पार्दै राष्ट्रिय स्वार्थ अन्तरगत सार्वभौमिकता ,अखण्डता र स्वाधिनतालाई सर्वोपरी महत्व दिइने बताए ।
नेपाल पञ्चशील र असंलग्नताको सिद्धान्तका साथै संयुक्त राष्ट्रसंघको वडापत्र,अन्तराष्ट्रिय कानुन र विश्वशान्तिकामान्यताहरुप्रति प्रतिवद्ध रहने ओलीले जानकारी दिए ।