मेलम्ची ।

आफ्नो सम्पत्ति बिवरण सार्वजनिक गर्दै प्रत्येक न्यायाधीशको पनि सम्पत्ति सार्वजनिक गर्ने प्रकृयाको थालनी गर्ने उद्घोष गरेका कानून न्याय तथा संसदीय मामिला मन्त्री शेरवहादुर तामाङ्गलाई ३५ किलोको माला लगाएर स्वागत गरिएको छ ।

काठमाडौंमा पत्रकार सम्मेलन गरेर न्याय क्षेत्रको बिकृति निमिट्यान्न पार्ने घोषणापछि गृह जिल्ला पुगेका मन्त्री तामाङ्गलाई स्थानीय युवाहरुले यसरी सम्मान गरेका हुन् ।

अधिबक्तासमेत रहेका कानून मन्त्री तामाङ्गले सवैभन्दा पहिले सम्पत्ति बिवरण सार्वजनिक गरेर सुशासन आफैवाट सुरु गर्ने उद्घोष गरेका थिए । आफ्नो कार्ययोजना सार्वजिक गरेका मन्त्री तामाङ्गले दश दिन भित्र प्रत्येक मन्त्रालयलाई आवश्यक पर्ने कानून पठाउन निर्देशनसमेत गरेका छन् ।

गृह जिल्लाको मेलम्ची पुगेका मन्त्रीले न्यायलयको बिकृति हटाउनु र वर्तमान संबिधानको कार्यान्वयन गर्नु नै पहिलो काम भएको वताए ।