काठमाडौं : सरकारले एमसीए नेपाललाई आयकर छुट दिने भएको छ।

साउन १८ गते बसेको मन्त्रिपरिषद्ले एमसीए फण्डिङबाट आर्जित आयमा आर्थिक वर्ष २०८२/८३ का लागि छुट दिने भएको हो।

‘एमसिए नेपालको काम गर्ने निर्माण वा सेवाप्रदायक कम्पनीको एमसीसी फण्डिङबाट आर्जित आयमा आय वर्ष २०८२(०८३ को लागि आयकर छुट दिने,’ मन्त्रिपरिषद्को निर्णयमा भनिएको छ।

त्यसबाहेक मन्त्रिपरिषद् बैठकले अरुण ३ जलविद्युत परियोजना विकासका लागि विकासकर्ता कम्पनी र नेपाल सरकारबीच भएको विकास सम्झौता अनुसार डा. पवन कुमार श्रेष्ठ, डा. पवनकुमार भट्टराई र डा. गणेशप्रसाद न्यौपाने विषय विज्ञ रहेको प्रोजेक्ट रिभ्यू प्यानल गठन गर्ने र सम्झौता स्वीकृत गर्ने निर्णय गरेको छ।