काठमाडौं : प्रधानन्यायाधीश प्रकाशमान सिंह राउत बिहीबार सैनिक विशेष अदालतको निरीक्षणमा पुगेका छन् । सर्वोच्च अदालतबाट न्यायिक निकायहरुको नियमित निरीक्षणको सिलसिलामा राउत सैनिक विशेष अदालतको निरीक्षण भ्रमणमा पुगेका हुन् ।

निरीक्षणको क्रममा उनले जंगी अड्डामा अवस्थित सैनिक विशेष अदालतबाट हुने गतिविधिको सम्बन्धमा जानकारी हासिल गरी सैनिक न्याय प्रणालीसँग सम्बन्धितहरुलाई विशेष निर्देशन समेत दिएको सेनाले जारी गरेको विज्ञप्तिमा उल्लेख छ ।

सो अवसरमा उच्च अदालत पाटनका मुख्य न्यायधीश माननीय लाल बहादुर कुँवर, सैनिक विशेष अदालतका अध्यक्ष न्यायधीश लेखनाथ पौडेल, सर्वोच्च अदालतका रजिष्टार बिमल पौडेल लगायतका पदाधिकारीहरु, रथीवृन्द तथा अधिकृतहरुको उपस्थिति रहेको सेनाको भनाइ छ ।