• काठमाडौं : प्रतिनिधिसभा अन्तर्गतको महिला तथा सामाजिक मामिला समितिको बैठकमा सदस्यहरूबिच नोकझोंक माइक फालाफाल भएको छ । बैठकमा प्रमुख प्रतिपक्षी दल नेकपा माओवादी केन्द्रकी सांसद कल्पना मियाँ कुसारीले माइक नै फालेकी हुन् ।

    उनले फालेको माइकले अरू कसैलाई लाग्न भने पाएन । बैठकमा वार्षिक प्रतिवेदन पास गर्ने कार्यसूची रहेको थियो । तर भ्रमण लगायतका विषयमा सभापति किरणकुमार साहबिच विवाद भएपछि नोँकझोँक हुँदै माइक फालिएको हो । माओवादीकै अर्का सांसद सुशीला सिर्पाली बोल्दै गर्दा बैठक कक्षमा प्रवेश गरेकी कुसारी बोल्न थालेपछि विवाद भएको एक सांसदले बताए ।

    ती सांसदका अनुसार सभापति साहले बोल्ने पालो नदिएपछि उत्तेजित हुँदै कुसारीले माइक र आफ्नो अघि राखेको नेमप्लेट उठाएर फालेकी थिइन् । त्यसक्रममा सभापति साह र कुसारीबिच निकैबेर भनाभन भएको थियो ।