• काठमाडौं ।

    प्रधानमन्त्री केपी शर्मा ओलीले प्रदीप नेपालको निधनले पीडाबोध भएको सामाजिक सञ्जालमा लेखेका छन् । ओलीले विभिन्न जिम्मेवारीमा सहकार्यका दिनहरू झल्झली सम्झना आइरहेको बताएका छन् ।

    नेपाली कम्युनिष्ट आन्दोलनका प्रखर नेता, प्रगतिशील साहित्य लेखनमा सञ्जय थापाको छुट्टै परिचय बनाउनु भएका सहयोद्धा प्रदीप नेपालको निधनले पीडाबोध भएको र उहाँसँग विभिन्न जिम्मेवारीमा सहकार्यका दिनहरू झल्झली सम्झना आइरहेको ओलीको भनाई छ ।

    उनले दिवंगत नेपालप्रति भावपूर्ण श्रद्धाञ्जली अर्पण गर्दै शोकाकुल परिवारजनमा गहिरो समवेदना व्यक्त गरेका छन् ।

    टाउको तथा पार्किन्सन्सको समस्या भोग्दै आएका नेपालको उपचारका क्रममा मंगलबार नर्भिक अस्पतालमा निधन भएको थियो ।

    नेपालले आफ्नो मृत्युपछि पार्टीको झन्डा नओढाउनू भनेपछि शव सिधै पशुपति आर्यघाटमा लगिएको थियो । उनको पार्थिव शरीरमा एमाले उपाध्यक्ष समेत रहेका अर्थमन्त्री विष्णु पौडेलसहितले राष्ट्रिय झन्डा ओढाएर अन्तिम श्रद्धाञ्जली अर्पण गरेका थिए ।