काठमाडौ । सुनापति गाउँपालिकाको पशु शाखामा कर्मचारी नहुँदा कार्यालयमा भएको पशुपक्षीको औषधि सड्न लागेको हो । गाउँपालिकामा कार्यरत पशुसेवा प्राविधिक प्रभु चौधरीको जागिर अवधि सकिएर रिटायर्ड भएसँगै गाउँपालिकामा कर्मचारी अभाव भएको हो । गाउँपालिकाले गत आर्थिक वर्ष र यस आर्थिक वर्षको पहिलो चौमासिकमा आवश्यक पर्ने पशुचौपायाका लागि औषधि खरिद गरेको थियो । पशु प्राविधिक नहुँदा किसान पशुचौपाया लिएर उपचार गराउन आए पनि त्यतिकै फर्कनुपरेको छ ।

गाउँपालिकाभित्रका किसानका पशुचौपाया बिरामी परेमा उपचार गराउन आउँदा आवश्यक पर्ने औषधि कार्यालयमा भए पनि कर्मचारी अभावमा औषधि त्यतिकै स्टोरमा राख्नुपरेको सुनापति गाउँपालिकाप्रमुख प्रशासकीय अधिकृत सुनील निरौलाले जानकारी दिए । उनले भने, ‘औषधि छ, कार्यालयमा पशु शाखा हेर्ने कर्मचारीको अभाव छ । किसान दैनिक पशुचौपायाको उपचार गराउन लिएर आउँछन् । तर, कार्यालयमा कर्मचारी नभएकै कारण किसानलाई त्यतिकै घर फर्काउनुपर्दा आफूलाई दुःख लागेको बताएको नयाँ पत्रिकाले लेखेको छ ।