काठमाडौ । बिरामी नजाचेर चौरमा बस्ने चिकित्सकहरुलाई प्रहरीले पक्राउ गरेको छ । गोविन्द केसीको समर्थनमा शिक्षण अस्पतालका चिकित्सकले धर्ना सुरु गरेका थिए । उनीहरुले निकालेको र्‍यालीमा प्रहरीले हस्तक्षेप पनि गरेको छ। प्रहरीले १७ चिकित्सकलाई पक्राउ गरेको छ ।
केसीका सहयोगी प्रीतम केसीले जानकारी दिएका छन्।

पक्राउ परेका सबै चिकित्सकलाई नेपाल पुलिस क्लबमा राखिएको छ। अस्पतालपरिसरमा भने चिकित्सकको नाराबाजी जारी छ।

पक्राउ परेका चिकित्सकहरुमा रेजिडेन्ट डाक्टर एसोसिएनका अध्यक्ष डाक्टर सुमित पाण्डे, डाक्टर विशाल अग्रवाल,डा।अमित शर्मा, डाक्टर हेमन्त बास्तोला, डाक्टर बद्री अर्याल, डाक्टर सिद्धार्थ भण्डारी, डाक्टर उपमा श्रेष्ठ, डाक्टर कविता मानन्धर, डाक्टरअमिर श्रेष्ठ, डा। आकाश शेर्पाली, डाक्टर आनन्द सिंह, डाक्टर पदम जोशी, डाक्टर समीर चापागाइ, डाक्टर विश्वराज तिम्सिना, डाक्टर अपूर्व आचार्यलगायत चिकित्सक अध्ययनरत विद्यार्थी छन्।