-
काठमाडौं ।
राष्ट्रिय चिकित्सा शिक्षा विधेयक २०७५ प्रतिनिधिसभाबाट पारित भएको छ। नेपाली कांग्रेसले संसद अवरुद्ध गरेको भए पनि सभामुख कृष्णबहादुर महराले संसदको काम कारबाही अघि बढाएर राष्ट्रिय चिकित्सा शिक्षा विधेयक पारित गराएका हुन्। कांग्रेसको अवरोधकै बीचमा शिक्षा मन्त्री गिरिराजमणि पोख्रेलले विधेयकमाथिको छलफलका लागि प्रस्ताव अघि बढाएका थिए। अवरोधका समयमा छलफलमा कुनै पनि सांसद सहभागी नभएपछि बहुमतका आधारमा चिकित्सा शिक्षा विधेयक पारित गरिएको हो।
विधेयक राष्ट्रियसभामा
संसदबाट पारित भएको विधेयक अब राष्ट्रियसभाको बैठकमा पेस गरिने र त्यहाँबाट पनि पारित भएपछि राष्ट्रपतिले प्रमाणीकरण गरेपछि ऐन कार्यान्वयनमा जानेछ।केसीको अनशन जारी
चिकित्सा शिक्षा बिधेयक देखावटी भएपनि अन्य राजनीतिक मुद्धा बोक्न थालेपछि गोविनद केसीको अनशन बारे सरकार आक्रामक भएको हो । आफ्नो माग सम्वोधन नभएको भन्दै केसीले अनशन जारी राख्ने भएका छन् ।
