इजरायल : अमेरिका र इरानबीचको युद्ध पाँचौँ दिनमा प्रवेश गरेको छ । इजरायल र अमेरिकाले एकअर्काविरुद्ध आक्रमणलाई निरन्तरता दिँदा मध्यपूर्वमा तनाव चर्किँदै गएको छ ।

इजरायलले इरानको राजधानी तेहरानमा रहेका सुरक्षा मुख्यालय र दर्जनौँ सैन्य लक्ष्यहरूमा आक्रमण गरेको इजरायली रक्षा बल ९आईडीएफ० का प्रवक्ता अविकय अद्राईले बताएका बीबीसीले जनाएको छ ।

यस्तै इजरायली आक्रमणमा परेर लेबनानमा चार जनाको ज्यान गएको छ । पूर्वी लेबनानी शहर बालबेकमा चार तले आवासीय भवनमा इजरायली आक्रमणमा अन्य ६ जना घाइते भएका छन् ।

सोमवार इरान समर्थित लडाकु समूह हिजबुल्लाहले इजरायलमा ड्रोन र मिसाइल प्रहार गरेपछि इजरायलले लेबनानभरि हवाई आक्रमणको लहर चलाएको छ र दक्षिणमा सेना पठाएको छ ।

इरानले पनि इजरायल र मध्यपूर्वमा रहेका अमेरिकी सैन्य लक्ष्यहरूमा आक्रमणलाई निरन्तरता दिएको छ । इरानले कतारमा रहेको मध्यपूर्वकै सबैभन्दा ठूलो अमेरिकी सैन्य अड्डामा मिसाइल आक्रमण गरेको खबरमा उल्लेख छ । हिजो इरानले संयुक्त अरब इमिरेट्स ९यूएई० को दुबईमा रहेको अमेरिकी वाणिज्य दूतावासमा ड्रोन प्रहार गरेको थियो ।

गएको शनिवार अमेरिका–इजरायली आक्रमण शुरू भएदेखि इरानमा कम्तीमा एक हजार ९७ जना मारिएका अमेरिकामा रहेको मानव अधिकारकर्मी समाचार एजेन्सीले जनाएको छ ।

अमेरिका र इजरायलको संयुक्त आक्रमणमा इरानका सर्वोच्च नेता आयतोल्लाह अली खामेनी मारिएपछि मध्यपूर्वभरि नै द्वन्द्व फैलिएको छ । युद्ध चर्किँदै जाँदा क्षेत्रीय सङ्कट झन् गहिरिएको छ । युद्धका कारण मध्यपूर्वमा हवाई सेवा गम्भीर रूपमा प्रभावित भएको छ ।