काठमाडौं : मिटरब्याज, लघुवित्त तथा वित्तीय संस्था पीडितहरूले आज काठमाडौंमा प्रदर्शन गरेका छन् । बल्खुदेखि सुरू भएको मार्च पास त्रिपुरेश्वर–शहीद गेट– शान्तबाटिका पुगेर कोणसभामा परिणत भएको थियो ।

भूमि अधिकार आन्दोलन, लघुवित्त तथा वित्तीय शोषणविरुद्धको सङ्घर्ष समिति, मिटरब्याजविरुद्ध किसान मजदुर आन्दोलन नेपालको संयुक्त आयोजनामा भएको मार्चपासमा विभिन्न जिल्लाबाट एक हजार पाँच सयभन्दा धेरै मानिस आएका मिटरब्याजविरुद्ध किसान मजदुर आन्दोलन नेपालको सचिवालय सदस्य विकास कामीले जानकारी दिए ।

उनीहरूले लघुवित्त संस्था खारेज गर्नुपर्ने, मिटरब्याजीलाई कारबाहीको दायरामा ल्याउनुपर्ने, सबै नागरिकलाई भूमि उपलब्ध गराउनुपर्ने लगायतका माग राखेका छन् ।