काठमाडौं : लोकतान्त्रिक समाजवादी पार्टी (लोसपा) नेपालका वरिष्ठ नेताबाट राजीनामा दिएका अनिलकुमार झाले नेपाल सद्भावना पार्टी ब्युँताएका छन् ।

झाले यसअघि नै लोकतान्त्रिक समाजवादी पार्टी लोसपाको वरिष्ठ नेता र साधारण सदस्यसमेतबाट राजीनामा दिइसकेका छन् । लोसपा छाडेपछि झाले आफ्नो पुरानो पार्टी नेपाल सद्भावना पार्टी अद्यावधिक गर्न निर्वाचन आयोगमा निवेदन दिएका थिए ।

निर्वाचन आयोगले आफ्नो नेतृत्वमा नेपाल सद्भावना पार्टीलाई अद्यावधिक गर्ने निर्णय गरेको झाले बताए ।