काठमाडौं : इरानी समाचार संस्था तास्नीमका अनुसार इजरायलले तेहरानस्थित इरानको रक्षा मन्त्रालयको मुख्यालयलाई लक्ष्य बनाएर आक्रमण गरेको छ।

समाचार संस्थाका अनुसार, मुख्यालयको एउटा प्रशासनिक भवनमा सामान्य क्षति पुगेको छ भने अर्को नजिकै रहेको रक्षा मन्त्रालयकै अर्को भवनमा पनि प्रहार गरिएको हो।

दुई देशबिचको तनाव अझै बढ्दै गइरहेको छ । यसअघि इरानले आफ्नो दोस्रो लहरको आक्रमणमा इजरायलमाथि १०० भन्दा बढी मिसाइ आक्रमण गरेको थियो भने इजरायले इरान शाहरान तेल डिपोमा आक्रमण गरेको थियो ।

इजरायल र इरानबिच जारी आक्रमणको जोखिमका कारण सिरियाको नागरिक उड्डयन प्राधिकरणले आइतबार बिहान ८ बजेसम्म आफ्नो हवाई क्षेत्र बन्द गर्ने निर्णय गरेको छ।