• काठमाडौं : गृहमन्त्री रमेश लेखकले बिहीबार राप्रपाले गर्न लागेको प्रदर्शन व्यवस्था उल्टाउने उद्देश्यले गरिएको भन्दै ‘सह्य’ नहुने बताएका छन् । बुधवार संसद् भवनमा आयोजित पत्रकार सम्मेलनमा उनले भने– ‘यो व्यवस्थालाई उल्ट्याउने कुरा कुनै हालतमा सह्य हुँदैन ।’

    लोकतन्त्र फाल्ने विषय सहन नसकिने उल्लेख गर्दै लेखकले भने– ‘भोलिको प्रदर्शनमा शान्ति सुरक्षाको उचित प्रबन्ध गरिएको छ ।’

    प्रधानमन्त्री केपी शर्मा ओलीले जेठ १५ मा काठमाडौं उपत्यका नेकपा (एमाले) को कब्जामा राख्नुपर्ने भनेर दिएको अभिव्यक्तिबारे पत्रकारले सोधको प्रश्नमा उनले भने, ‘उहाँले गणतन्त्र दिवस सङ्गीत महोत्सवको रूपमा उत्साहको साथ मनाउ भन्नुभएको हो ।’

    ‘उहाँ (पिएम)ले सङ्गीतको नियन्त्रण भन्नुभएको हो’ उनले भने, ‘उपत्यका सङ्गीतमय हुन्छ भन्ने अर्थमा मैले लिएको छु ।’