• काठमाडौं । नेपालमा आइतबार थप १ हजार ५७३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ । मन्त्रालयको नियमित कोभिड–१९ अपडेटमा प्रवक्ता डा. जागेश्वर गौतमले पछिल्लो २४ घण्टामा १० हजार १२३ वटा नमूनाको पिसिआर परीक्षण भएकोमा उक्त संख्यामा नयाँ संक्रमित थपिएको जानकारी दिएका हुन् । यीसहित अहिलेसम्म कोरोनाबाट संक्रमित हुनेको कुल संख्या संख्या ७३ हजार ३९४ पुगेको छ ।

    त्यसैगरी यसै अवधिमा थप ८ सय ८५ जना डिस्चार्ज भएका प्रवक्ता डा. गौतमले सो अवसरमा बताएका छन् । यसरी नेपालमा कुल संक्रमितमध्ये हालसम्म ५३ हजार ८ सय ९८ जना कोरोनामुक्त भएका छन् । उनका अनुसार २४ घण्टामा थप १० जनाको कोरोनाबाट मृत्यु भएको छ । मृतकमध्ये ९ पुरुष र १ महिला रहेका छन् । कोरोनाकै कारण अहिलेसम्म ज्यान गुनाउनेको संख्या ४७७ पुगेको छ ।

    अहिले देशभर सक्रिय संक्रमितको संख्या १९ हजार १९ पुगेको मन्त्रालयले बताएको छ । तीमध्ये संस्थागत आइसोलेशनमा ८ हजार ३२१ र होम आइसोलेशनमा १० हजार ६९८ जना रहेका छन् । त्यस्तै क्वारेन्टाइनमा रहेकाको संख्या ६ हजार २ सय ८१ जना पुगेको छ ।