काठमाडौं । विगत २४ घण्टामा कोभिड–१९ संक्रमणबाट थप १२ जनाको मृत्यु भएको स्वास्थ्य तथा जनसंख्या मन्त्रालयले पुष्टि गरेको । मन्त्रालयका प्रवक्ता डा. जागेश्वर गौतमका अनुसार मृतकहरुमा विभिन्न जिल्लाका गरी महिला ६ र पुरुष ६ जना छन् । यसरी मृत्यु हुने महिलामा काठमाडौंकी ८९ वर्षीया, ललितपुरकी ७० वर्षीया, चितवनकी १८ र ५५ वर्षीया, तनहुँकी २० वर्षीया र कपिलवस्तुकी ६० वर्षीया छन् ।

त्यसैगरी मृतक पुरुषहरुमा काठमाडौंका ७० र ७५ वर्षीय, भक्तपुरका ४० वर्षीय, बाराका ९७ वर्षीय, चितवनका ६५ वर्षीय र धादिङका ४७ वर्षीय पुरुष छन् । यीसँगै नेपालमा हालसम्म कोरोनाकै कारण ज्यान गुमाउनेको संख्या संख्या २५१ पुगेको प्रवक्ता डा. गौतमले बताएका छन् । यसरी नेपालमा कोरोनाका कारण मृत्यु हुने दर प्रतिघण्टा २ जना भएको देखिएको छ ।