काठमाडौं । बुधबार काठमाडौं उपत्यकामा मात्र ३ सय ८८ कोरोना संक्रमित थपिएका छन् । तीमध्ये काठमाडौंमा ३५०, ललितपुरमा २९ र भक्तपुरमा ९ जनामा संक्रमण भेटिएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले बताएका छन् । भदौ १६ गते मंगलबार उपत्यकामा ४८१ जनामा संक्रमण देखिएको थियो ।

त्यसैगरी विगत २४ घण्टामा काठमाडौं उपत्यकाका सहित मुलुकभरबाट १ हजार १ सय २० जनामा कोरोना संक्रमण देखिएको स्वास्थ्य तथा जनसंख्या मन्त्रालयले बताएको छ । यीसहित नेपालमा अहिलेसम्म संक्रमितको संख्या ४१ हजार ६ सय ४९ पुगेको छ ।