कास्की । कोरोना भाइरसको संक्रमणबाट पोखरामा एक पुरूषको मृत्यु भएको छ । मृत्यु हुने पोखरा महानगरपालिका–१९ का ६२ वर्षीय पुरुष हुन् ।

उनको शनिबार राति ११ः३५ बजे मृत्यु भएको पोखरा स्वास्थ्य विज्ञान प्रतिष्ठान अन्तरगतको कोभिड–१९ उपचार केन्द्रले जानकारी दिएको छ । यीसहित नेपालमा कोरोनाका कारण मृत्यु हुनेको संख्या ७४ पुगेको छ ।

प्रतिष्ठानद्वारा आइतबार जारी विज्ञप्तिमा मधुमेहबाट पीडित उनको सघन उपचारकक्षमा उपचार भइरहेको थियो । अहिलेसम्म पश्चिमाञ्चल अस्पतालमा उपचारका क्रममा तीन जना संक्रमितको मृत्यु भएको छ ।