काठमाडौं । नेपालमा शुक्रबार थप ९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका सहप्रवक्ता डा. समीरकुमार अधिकारीका अनुसार अब संक्रमितको कुल संख्या २ सय ५८ पुगेको हो ।

मन्त्रालयले दिएको पछिल्लो जानकारी अनुसार राष्ट्रिय प्रयोगशाला काठमाडौँ र बाँकेको भेरी अस्पताल प्रयोगशालामा गरिएको परीक्षणमा ९ जनामा कोरोना पुष्टि भएको हो । थपिएका ९ मध्ये एक जना मकवानपुरका ३७ वर्षीय पुरुष र बाँकी ८ जना बाँके, नैनापुर वडा नं. १, ३ र ५ का १८, २०, २२, २५, २५, २७, ३२ र ३६ वर्षीय पुरुषहरु रहेका छन् ।

सहप्रवक्ता डा. अधिकारी उनका अनुसार संक्रमित सबैको स्वास्थ्य अवस्था सामान्य रहेको छ । उनीहरु सबै जना स्वास्थ्यकर्मीको सम्पर्कमा रहेको मन्त्रालयले जनाएको छ । यसैगरी ३५ जना संक्रमित भने निको भइसकेका छन् ।