काठमाडौं ।

चिकित्सा शिक्षा आयोगको निर्देशक पदमा सार्वजनिक रुपमा आवेदन आह्वान गरिएको छ । पत्रिकामा सूचना प्रकाशित गरी योग्यता पुगेकाहरुबाट निर्देशक पदमा आवेदन माग गरिएको हो ।

इच्छुक व्यक्तिले ५०० शब्दमा नबढाई आफ्नो व्यक्तिगत सोच र बायोडाटा राष्ट्रिय योजना आयोगको शिक्षा सचिवालयमा वा शिक्षा विज्ञान तथा प्रविधि मन्त्रालयको प्राविधिक शिक्षा शाखाका कात्तिक २१ गतेभित्र दिनुपर्नेछ ।

आयोगको निर्देशकका लागि सम्बन्धित काममा १५ वर्षको अनुभवप्राप्त प्राध्यापक वा नेपाल सरकारको विशिष्ट श्रेणीको पदमा अनुभव भएको, उत्कृष्ट व्यवस्थापकीय सीप तथा कौशल, स्वच्छ छवि र व्यवसायिकता भएको व्यक्ति नियुक्ति गर्ने व्यवस्था छ । निर्देशकको नाम आयोगको उपाध्यक्षसामु सिफारिस गर्न प्रधानमन्त्रीले राष्ट्रिय योजना आयोगका सदस्यको नेतृत्वमा तीन सदस्यीय समिति गठन गरेकाछन् ।